 |
| Mimo I // Mime II By Eva Peris Licenza CC BY-SA |
Durante estas semanas os nenos/as de terceiro traballarán co seu corpo para expresarse e comunicarse cos demais. Ao final deste período representarán unha escena creada en grupo sobre unha aventura de Andrés e Carmen (cuxa descrición tedes ao final desta entrada).
Con este contido pretendemos resaltar a importancia da utilización do noso corpo para transmitir emocións e tamén para recoñecelas nos demais. Desde a expresión corporal aprenderemos a coñecernos mellor e a recoñecer os estados de ánimo dos nosos compañeiros/as.
Nestes recursos hai algunhas actividades para practicar en liña a comunicación das emocións.
- Expresións dos sentimentos mediante o corpo (castelán)
- I express myself with my body (inglés)
- ¡Perdidos en Ludoland! (castelán)
Estes son Carmen e Andrés, personaxes principais das escenas que se representarán en clase.
Presentámosvos a estes dous amigos inseparables que comparten moitas aventuras:
Andrés ten 9 anos e ten o pelo de cor loiro, cuns grandes ollos azuis como o mar que ten ao carón da súa casa. Encántalle baixar a xogar ao parque cos seus amigos e amigas. Aínda que lle gusta facer trasnadas é moi xeneroso.
Carmen ten oito anos, os ollos da cor do mel e a súa cara ten moitas pencas. Gústalle moito lerlles historias de medo aos seus amigos e amigas, posúe moita imaxinación e tamén goza xogando no parque.
Podedes facer debuxos destes dous personaxes e agregalos nos comentarios, ou entregalos en clase e despois os colocamos nunha entrada.
;-)
Ningún comentario:
Publicar un comentario
Escribe o teu comentario e axúdanos a mellorar. Lembra consultar as instrucións para comentar...