 |
Iniciamos a segunda misión na que tentaremos descubrir e comezar a dominar os superpoderes que posúen os nenos/as incribles do CEIP Emilia Pardo Bazán. Os nenos/as de segundo teñen que dominar as técnicas de estar quietos e inmóviles para pasar inadvertidos e ser invisbles, pola súa parte os incribles de terceiro teñen que coñecer o seu corpo á perfección, coñecer as articulacións e algúns músculos, así como saber utilizar e orientarse á esquerda e á dereita.
Os nenos/as de terceiro terán que elaborar cada un a súa apócema para conservar, mellorar e que non se estraguen os seu superpoderes. Para elaborala podedes consultar a entrada "Quentando motores", na que se explica que é un quecemento e no que tedes recursos para elaborar un propio.
Os nenos/as de segundo procurarán imaxes de superheroes para comprobar que teñen diversas características físicas, uns son altos, morenas, loiros, cos brazos longos, co corpo de pedra, algúns guapos, outros non tanto, pero todos comparten que son únicos, especiais e moi interesantes... o mesmo ca vós.
Que poder tes ti?
Ningún comentario:
Publicar un comentario
Escribe o teu comentario e axúdanos a mellorar. Lembra consultar as instrucións para comentar...