Como un reloxo!

O corazón é o motor que permite desenvolver as funcións vitais e tamén actividades físicas como correr, saltar, nadar... O ritmo cardíaco en repouso de persoas adultas sas soe estar entre 60 e 80 pulsacións por minuto (ppm), pero en nenos/as da vosa idade o normal pode ser entre 90 e 100 ppm.

Algunhas das características cando realizamos exercicio físico son:

• Os latidos do corazón son máis rápidos.
• A respiración é máis intensa e rápida.
• A temperatura do corpo aumenta e comezamos a suar.

Cando necesitamos saber o nivel de esforzo que estamos a desenvolver un bo xeito de facelo é medindo a frecuencia cardíaca para o cal aprendemos varios lugares onde facelo, sempre cos dedos índice e anular, nestes vídeos de WikiHow comprobaredes como facelo:

• No pescozo detrás da noz.

• No pulso.

• No peito.

Lembrade que non fai falta medir durante 1 minuto, podemos facelo durante 6 ou 10 segundos e multiplicando o resultado por 10 ou por 6. Por exemplo:

Se despois de correr mido as pulsacións durante 6 segundos e noto 10, terei que multiplicar: 10 (resultado) X10= 100 pulsacións por minuto.

Se despois de xogar ao baloncesto mido as pulsacións durante 10 segundos e noto 16, terei que multiplicar: 16 (resultado)  X6= 96 ppm.
Picando na imaxe poderedes acceder a un recurso en liña no que xogar aprendendo sobre o corazón.

Sabedes xa medir o ritmo cardíaco?